जोमसोम—हिमाली जिल्ला मुस्ताङको घरपझोङ गाउँपालिकाले गत वर्ष माध्यमिक शिक्षा परीक्षा (एसईई)मा सर्वो उत्कृष्ठ अंक हासिल गर्ने ४ जना बिद्यार्थीलाई जनही १० हजारसहित सम्मान गरेको छ । अन्तराष्ट्रिय बाल अधिकार दिवसको अवसरमा शनिबार घरपझोङले साधारण र प्राविधिक धारतर्फका छात्र÷छात्रा गरी ४ जनालाई नगद पुरस्कारसहित सम्मान गरेको हो ।

घरपझोङ गाउँपालिकाको आर्थिक वर्ष २०७८- ०७९ को स्वीकृत कार्यक्रम अनुसार अन्तराष्ट्रिय बाल अधिकार दिवसको अवसरमा एसर्ईईका बिद्यार्थीलाई सम्मान गरेको गाउपालिकाकी महिला तथा बालबालिका शाखा प्रमुख सरिता थकालीले जानकारी दिईन् । गापा अध्यक्ष आशबहादुर थकालीको अध्यक्षतामा भएको कार्यक्रममा २०७७ सालको एसईई साधारणतर्फ छेवाङ छोडेन गुरुङ र बिराज राना क्षेत्री नगदसहित सम्मानीत भएका हुन् । यस्तै,प्राविधिक धार तर्फ अप्सरा भर्ती थकाली र कृष शेरचन नगद पुरस्कार सहित सम्मानीत भए ।

दिवसकै अवसरमा घरपझोङले पालिका अन्र्तगतका सामुदायिक बिद्यालयका कक्षा ( १—५ )सम्मका बिद्यार्थीलाई चित्रकला प्रतियोगिता आयोजना ग¥यो । ‘सफा घर आगन र सफा बिद्यालय’ शिर्षकमा भएको चित्रकला प्रतियोगितामा जनहित माबि जोमसोमका दोर्जे शेर्पा प्रथम,जनवाल मावि मार्फाका उमेश माझी द्धितीय , जनकल्याण आधारभुतका सन्दिप बिक तृतीय र मुक्ति नमूना आधारभुत ठिनीकी निमा शेर्पाले सान्त्वना भईन् ।चित्रकलामा प्रथम,द्धितीय,तृतीय र सान्त्वनाले क्रमशः २ हजार,१५ सय ,१ हजार र ७ सय रुपैया पुरस्कार पाए ।

यस्तै ,घरपझोङका सामुदायिक बिद्यालय अन्र्तगत कक्षा ( ९—१० )मा बिद्यार्थीहरुमा गरिएको कोभिड संक्रमणको रोकथाममा परिवार,समुदाय र बिद्यालयको भूमिका शिर्षकमा भएको बक्तृत्वकला प्रतियोगितामा जनहित माबिका अनुप पर्तेला प्रथम,जनबाल माबिका स्नेहा लामा द्धितीय र जनहित माबिकी स्मृती तिवारी तृतीय भए । सान्त्वना धौलागिरि आधारभुतकी डिलिसा शाहले प्राप्त गरिन् । उनीहरुले नगद २५ सय,२ हजार ,१५ सय र १ हजार पुरस्कार पाए ।
पुरस्कृत प्रतियोगि बिद्यार्थी तथा एसईईमा सर्वोउत्कृष्ट हुने बिद्यार्थीलाई गापा अध्यक्ष आशबहादुर थकाली,उपाध्यक्ष शर्मिला गुरुङ र प्रमुख प्रशासकीय अधिकृत गौरीप्रसाद आचार्यले संयुक्त रुपमा बिद्यार्थीहरुलाई पुरस्कृत र सम्मान गरे ।

दिवसका अवसरमा गापा अध्यक्ष थकालीले बिद्यार्थीहरुको अन्तरनिहित प्रतिभा उजागर गर्न तथा बिद्यार्थीहरुलाई गरिएको सम्मानले उनीहरुको क्षमता विकास र शैक्षिक भबिष्यमा टेवा पुग्ने बताए ।

यस्तै गापा उपाध्यक्ष गुरुङले पछिल्लो समय बालबिवाहको घटना न्युनिकरण हुदै गईरहेको अझै यस्ता घटना रोकथाम गर्न सामाजिक जनचेतना आवश्यक रहेको औल्याईन् ।दिवसको अवसरमा घरपझोङका ५ वटै बालक्लवहरुको उपस्थिती रहेको थियो ।