जोमसोम–

तारा एअरको दुर्घटना ग्रस्त जहाजका यात्रु मध्ये २१ जनाको शव फेला परेको छ ।तर,१ जनाको शव फेला पर्न बाँकी रहेको मुस्ताङका प्रजिअ नेत्रप्रसाद शर्माले जानकारी दिए ।
जहाज दुर्घटनामा परी मृत्यु भएका २१ जनाको शव मध्ये १० जनाको शव माउन्टेन एअरको २ वटा हेलीले थासाङको कोवाङमा ल्याई पू¥याएको छ ।कोवाङमा ल्याईएका १० वटै लाशको कानुनी प्रक्रिया र मुचुल्का गर्ने काम भईसकेको र १५ मिनेट भित्र कोवाङबाट काठमान्डौं लैजाने तयारी भईरहेको प्रजिअ शर्माले जानकारी दिए ।
आइतबार विहान पोखराबाट जोमसोमका लागि उडेको जहाज बिहान १०ः१० मिनेटमा सम्पर्कविहीन भएको थियो ।जहाज थासाङको मानापाथी हिमाल स्थित नामसारे पहाडमा ठोक्किएर दुर्घटना भएको थियो । जहाजमा यात्रा गरेका यात्रुको शव एकै ठाउँमा जम्मा गरिएकोमा १० शव कोवाङ आईपुगेका र ओसार्ने क्रममा रहेको डिएसपी रामकुमार दानीले जानकारी दिए । बाँकी १ वटा शव खोज्न बाँकी रहेको उनले बताए ।