काठमाडौं ।
युनिलिभरले सफा हिमाल अभियान २०२२ मा नेपाली सेनासँग सहकार्य गरी कञ्जनजंघा हिमालबाट फोहोर संकलन गरेको छ । कञ्चनजंघाको सफाइमा ध्यान केन्द्रित गर्दै टोलीले १५ टनभन्दा बढी फोहोर संकलन गरेको हाे ।

वैशाश २ गतेबाट सुरु गरी १६ जेठसम्म चलेको अभियानमा ३.०२ टन जैविक र १२.३५ टन अजैविक फोहोर संकलन भएको छ । हिमालहरू सदैव नेपालको प्रतीक र गौरवको रूपमा रहँदै आएका छन् । प्रत्येक वर्ष करिब १ लाख ७५ हजारा पर्यटक हिमाल पदयात्रा र आरोहरण अभियानका लागि नेपाल आउने गर्छन् । उनीहरूले हिमालमै फोहोर छोडेर फर्किने हुनाले हिमाली क्षेत्रमा फोहर व्यवस्थापनको ठूलो समस्या सिर्जना भएको छ ।

स्वस्थ पृथ्वी र समाज बिना व्यवसायहरू समृद्ध हुन नसक्ने भएकाले युनिलिभरले सफा हिमाल अभियान चलाएको हो । सन् २०४० सम्म हालको अनुपातमा दोब्बर मात्रामा प्लास्टिक उत्पादन हुने हुँदा प्लास्टिकजन्य प्रदूषण संकट अझ बढ्ने अनुमान गरिएको छ । अभियानका क्रममा संकलित प्लास्टिकको पुनः प्रयोग सुनिश्चित गर्न युनिलिभरले रिसाइक्लिङ साझेदारहरूका रूपमा अभ्नी भेन्चर प्रालिसँग समन्वय गरेको छ ।

टिमले लक्ष्यको १५० प्रतिशतभन्दा बढी फोहोर संकलन गरेको युनिलिभरको दाबी छ ।