पोखरा ।
लायन्स क्लब पोखरा अन्नपूर्णको आयोजनामा सेन्ट मेचिल्स स्कुल बेलायतका २२ विद्यार्थीको सहयोगमा पोखरा २१ कृस्तीको भविष्य निर्माण माध्यमिक विद्यालयमा खानेपानी टंकी बनेको छ । १० हजार लिटरको खानेपानी टंकी हालै सञ्चालनमा आएको छ ।

खानेपानी निर्माण समिति संयोजक सोनाम साङ्पोले पोखराका ३२ सरकारी स्कुलमा टंकी निर्माण सम्पन्न भएको बताए । महामारीबाट विद्यालयमा सहयोग गर्न नसेकोमा यो वर्षदेखि सेवा निरन्तर सेवा दिने उनले बताए । पोखरा २१ का वडाध्यक्ष दीपकप्रसाद सुवेदीले लायन्सबाट विद्यालयमा खानेपानी टंकी निर्माणले खुसी बनाएको उल्लेख गरे ।

क्लबका अध्यक्ष विजय पौडेलको अध्यक्षतामा भएको कार्यक्रममा विद्यालय व्यवस्थापन समिति अध्यक्ष कमलकुमार भुजेल, रिजन चियरपर्सन अर्जुन पोखरेल, प्रधानाध्यापक राजेन्द्र सापकोटा, कमिटी चियरपर्सन दिनेश तुलाचन, प्रथम उपाध्यक्ष विष्णुकुमार गुरुङ, सहसचिव गणेश छवि लगायतले बोलेका थिए ।