पोखरा ।
सुरक्षाकर्मीका लागि आत्महत्या रोकथामसम्बन्धी तालिम दिइएको छ । राष्ट्रिय मानव अधिकार आयोग गण्डकी प्रदेश कार्यालय पोखराको आयोजना एवं कोशिश र सिबिएम ग्लोबलको आयोजनामा मानवअधिकार, मानसिक स्वास्थ्यसम्बन्धी अभिमुखीकरण भएको हो ।

कार्यक्रममा राष्ट्रिय मानव अधिकार आयोग पोखराका अधिकृत खिमलाल सुवेदीले मानव अधिकार र मानसिक स्वास्थयको बारेमा कार्यपत्र प्रस्तुत गरे । उनले मानवअधिकारको दायरा व्यापक भएको भन्दै मानवमा समानता कायम हुनुपर्नेमा जोड दिए । उनले मानसिक स्वास्थ्य र मानव अधिकारबीच अन्तर सम्बन्ध भएको उल्लेख गरे। पश्चिमाञ्चल क्षेत्रीय अस्पताल पोखराकी सिनियर कन्सल्ट्यान्ट साइक्याट्रिक बिभागीय प्रमुख डाक्टर लिया बैद्यले आत्महत्या हुने कारण तथा न्यूनीकरणबारे कार्यपत्र प्रस्तुत गरिन् । उनले डिप्रेसन नै आत्महत्याको प्रमुख कारण भएको बताइन् । धरैजसो आत्महत्या रोकथाम गर्न सकिने उनको भनाइ छ ।

कोशिशका कार्यक्रम संयोजक सुुदीप घिमिरेले कोशिशले आत्महत्या रोकथाममा गरेका कामका बारेमा जानकारी दिए । संस्थाले मनोसामाजिक स्वास्थ्य समस्या भएकालाई परामर्श दिँदै आएको उनले बताए । कार्यक्रममा संघीय प्रहरी प्रदेश कार्यालय गण्डकी, प्रदेश प्रहरी कार्यलय पोखरा, जिल्ला प्रहरी कार्यालय कास्की र ट्राफिक प्रहरी गरी ३७ जनाको सहभागिता थियो ।