पोखरा ।
गुराँस लाइफ इन्स्योरेन्समा केही वर्ष पहिले जीवन बिमा गर्दा प्राण घातक रोगको सुविधा लिएका मुटुरोग लागेका बिमितलाई कम्पनीले बिहीबार ३० लाख भुक्तानी गरेको छ । पोखरा २९ पावर हाउस निवासी ३९ वर्षका मनप्रसाद थापामगरलाई पोखरा न्युरोड स्थित इन्स्योरेन्सको कार्यालयमा आयोजित कार्यक्रममा क्षेत्रिय कार्यालय पोखराका प्रमुख हरि शर्मा पौडेलले ३० लाखको चेक प्रदान गरे ।

यो सुविधा ५ लाखदेखि ५० लाखसम्म मात्र लिन पाइने र कम्पनीले २० वटा रोगलाई प्राण घातक रोगमा समाबेस गरेको क्षेत्रिय कार्यलय पोखराका प्रमुख पौडेलले वताए । थापाले जीवन बिमा गर्दा प्राण घातक रोगका लागि ३० लाखको बिमा गरेको १ वर्ष पूरा भएको बिमा कम्पनीका वरिष्ठ क्षेत्रिय मार्केटिङ अधिकृत श्यामप्रसाद तिमिल्सिनाले बताए ।