पोखरा ।
सक्षम नेतृत्वकर्ता जन्माउने लक्ष्यका साथ स्थापित युवा केन्द्रित सामाजिक संस्था नेतृत्व मञ्च पोखराको प्रथम महाधिवेशन शनिबार भएको छ । महाधिवेशनले अध्यक्षमा सुप्रिया श्रेष्ठ, उपाध्यक्षमा धीरज परियार, सचिव (कार्यपालिका) मा प्रतीक्षा पौडेल र सचिव (व्यवस्थापिका) मा निर्देश सुवेदीलाई चुनेको छ ।

सदस्यमा विज्ञानराज सुवेदी, अनिशा अर्याल र सुनील काफ्ले छन् । व्यवस्थापिका मातहतका विषयगत समितिका संयोजकमा कार्यक्रममा कपिल कार्की, संगठनका सुमित विश्वकर्मा र सूचना तथा सञ्चारका सविन सुनारसमेत कार्यसमिति सदस्य छन् । व्यवस्थापिकातर्फ सभामुखमा प्रतिभा अधिकारी र उप–सभामुखमा सञ्जय यादव रहने गरी २५ विधायिका सदस्यसमेत चयन गरिएको छ ।

संस्थापन समन्वय समितिका संयोजक आरोग्यमोहन काफ्लेको अध्यक्षतामा भएको कार्यक्रममा उपसंयोजक मन्दीप सुवेदीले संस्थाको प्रगति र आगामी अवधारणागत रुपरेखाबारे प्रस्तुतीकरण दिएका थिए । मञ्चका संगठन विभाग प्रमुख सन्देश विकले संस्थाको संस्थाको पृथकता र सदस्यको भूमिकाबारे चर्चा गरेका थिए । कार्यक्रममा प्रतीक्षा पौडेल र नीलकण्ठ त्रिपाठीले समेत बोलेका थिए ।