हेमजा ।
पोखरा महानगरपालिका वडा न. २५ वडा कार्यालयले मंगलबार ट्राफिकलाई खानेपानी टंकी हस्तान्तरण गरेको छ । वडा अध्यक्ष मोती तिम्सिनाले मध्यपहाडी लोकमार्गले सेवाको साथमा जोखिम बढेको बताए । उनले दिनकै ५/६ ओटा दुर्घटना हुने गरेकोमा गम्भीर बन्नुपर्ने औंल्याए ।

हेमजामा ६ स्थानमा २४ टंकी आवश्यक रहेकोमा अहिले २ स्थानका लागि ८ हिलटेक उपलब्ध गराएको वडाध्यक्ष तिम्सिनाले जानकारी दिए । वडा प्रहरी कार्यालय बगरका प्रमुख प्रहरी निरीक्षक महेशकुमार आचार्यले दुर्घटना न्यूनीकरण गर्न आफैं सचेत हुनुपर्ने बताए । उनले दुर्घटना हुनुको कारण तीव्र गति र मापसे भएको उल्लेख गरे ।

अस्थायी ट्राफिक पोस्ट बगरका प्रमुख प्रहरी वरिष्ठ नायब निरीक्षक मीनबहादुर खड्काले दुर्घटना न्यूनीकरण गर्न हिलटेकले सहज हुने उल्लेख गरे । वडा अध्यक्ष मोती तिम्सिनाको अध्यक्ष्यतामा भएको कार्यक्रम सञ्चालन ईश्वरी बास्तोलाले गरेका थिए ।