पोखरा ।
पृथ्वीनारायण क्याम्पसको प्रध्यापनलाई मूल कार्यक्षेत्र बनाएर नेपाली प्रगतिशील सिर्जना र समालोचना समेतमा महत्वपूर्ण योगदान पुर्‍याएका कुलप्रसाद खनालको निधन भएको छ ।

पृथ्वीनारायण क्याम्पस पोखरामा नेपाली भाषा विभागको प्रमुख रही नेपाली भाषा र साहित्यमा लामो समयसम्म सेवा गरेका खनाल दम प्रोस्टेड र उच्च रक्तचापको बिरामी भएको छोरी सुमन खनाल पहारीले जानकारी दिइन् ।

विक्रम सम्बत २००१ सालमा तनहुँको चुँदी सिमपानी जन्मेका खनाल लामो समयदेखि पोखरा ५ राधाकृष्ण मार्गमा बस्दै आएका थिए । नेपाली भाषा र साहित्यका क्षेत्रका व्यक्तित्व खनालले नेपाली साहित्यमा स्तातकोत्तर र संस्कृतमा शास्त्री गरेका थिए । साहित्य र शिक्षाको क्षेत्रमा धेरै पुरस्कार पाएका खनाल गण्डकी साहित्य संगम पोखराका संस्थापक अध्यक्ष थिए । गोकुल साहित्य पुरस्कारको स्थापनामा उनको योगदान थियो ।