स्याङ्जा ।
स्याङ्जाको गल्याङ नगरपालिका ७ स्थित सिँचाई पोखरीमा डुबेर २ जनाको ज्यान गएको छ । पेलाकोटको मानथुम्कमा निर्माण गरिएको प्लास्टिक पोखरीमा डुबेकी ४ वषीर्या सोफिया गुरुङलाई निकाल्न गएका ३३ वषीर्य बिन्द्र गुरुङको समेत ज्यान गएको जिल्ला प्रहरी कार्यालय स्याङ्जाले जनाएको छ ।

खेलिरहेकी सोफिया एक्कासि चिप्लिएर पोखरीमा खसेकी थिइन् । उपचारका लागि प्राथमिक स्वास्थ्य केन्द्र वालिङमा ल्याइएका बिन्द्र र सोफियालाई चिकित्सकले मृत घोषणा गरेका हुन् । उक्त पोखरी सोही वडाका पूर्व वडाध्यक्ष रामवीर गुरुङले तरकारी खेती गर्न बनाएका हुन् ।