पोखरा ।
लायन्स क्लब आफ पोखरा नर्सेसले निशुल्क स्वास्थ्य परीक्षण गरेको छ । क्लबले २२ जना जुम्ल्याहा र उनीहरुका अभिभावकलाई भेला गरेर स्वास्थ्य जाँच गराएको हो । कार्यक्रममा गण्डकी प्रदेश स्वास्थ्य तथा जनसंख्या मन्त्री मधु अधिकारी गुरुङले प्रदेशवासीको स्वास्थ्यका लागि सरकार प्रतिवद्ध रहेको जनाइन् । शिविरमा बाल रोग विषेशज्ञ डा रामचन्द्र बास्तोला र दन्त विशेषज्ञ डाक्टर हरि द्वाले स्वास्थ्य परीक्षण गरेका थिए ।

क्लबले स्थापना कालदेखि हाल गरेका क्रियाकलापको प्रस्तुति लायन्स रितु कोइराला र जुम्लियासम्बन्धी जानकारी मिडसन कास्की सदस्य उषाकिरण पौडेलले प्रस्तुत गरे । समारोहमा जम्ल्याहा राम लक्ष्मणले जम्ल्याहा हुनुको अनुभव र सरिता पाहरी सिग्देलले जुम्ल्याहा अभिभावकको अनुभव सुनाए ।

क्लबकी अध्यक्ष निशा श्रेष्ठको अध्यक्षतामा भएको कार्यक्रमा लायन्स क्लब इन्टरनेसलन डिस्ट्रिक्ट ३२५ एमका डिस्ट्रिक्ट गर्भनर महेन्द्र पौडेलले नौलो कार्यक्रमको निरन्तरतासहित नर्सेसको सामाजिक सेवा अविराम चलोस् भनी शुभेच्छा व्यक्त गरे । कार्यक्रममा हेमा गुरुङले पनि बोलेकी थिइन् ।