पोखरा ।
नेपाल विद्यार्थी संघ पोखरा २२ ले एसइई परीक्षामा उत्कृष्ट नतिजा ल्याउने विद्यार्थीहरुलाई सम्मान गरेको छ । कार्यक्रममा शुक्रराज माविका विद्यार्थीमध्ये सर्वाेत्कृष्ट नतिजा ल्याउने गौरव बराल, जिल्लामै उत्कृष्ट नतिजा ल्याउने सन्ध्या बराल, ओख्ले माविका विद्यार्थीबाट सर्वाेत्कृष्ट समिरा भुजेल सम्मानित भए ।

समारोहमा जिल्ला स्तरीय परीक्षाका उत्कृष्टहरु रोहित सुनार र कुनाल सुनार, महेश्वरी माविका छात्र रञ्जन बराल लगायतलाई समेत सम्मान गरियो । नेविसंघ पोखरा २२ सभापति उत्तम बरालको अध्यक्षतामा भएको कार्यक्रममा सचिव दीपक पौडेल, कांग्रेस नेता खेमराज पौडेल, राजबहादुर गुरुङ, कांग्रेस पोखरा २२ सभापति होमप्रसाद बराल लगायतले बोलेका थिए ।