पोखरा ।
अनलाइन फुड डेलिभरी कम्पनी फुडगन्जले पोखरामा आफ्नो शाखा विस्तार गरेको छ । मंगलबार कम्पनीका सञ्‍चालक समितिका सदस्य श्री पूर्णबहादुर रानाले रिबन काटेर विधिवत् रुपमा कार्यक्रमको उद्‍घाटन गरेका थिए । पोखराका ग्राहकहरूलाई मध्यनजर गरी कम्पनीले पहिलो महिना १५-२५ प्रतिशतसम्म क्यासब्याकका साथै फ्रि डेलिभरीको विशेष छुट दिने जानकारी कम्पनीका प्रबन्ध निर्देशक श्री सुरज थापा मगरले गराए ।

उपत्यकाभित्र बिहान ३ बजेसम्म र नेपालगञ्‍जमा बेलुका १० बजेसम्म सेवा दिँदै आइरहेकोमा पोखरामा पनि बेलुका १० बजेसम्‍म सेवा दिने र ग्राहकप्रति समर्पित भई सेवालाई थप छिटो र छरितो बनाउँदै अबको केही महिना भित्र नै पोखरालाई लक्षित गरि फुड डेलिभरीसँगै अन्य थप फरक खालको सेवा पनि उपलब्ध गराउने घोषणा गरे ।

फुडगन्जले काठमाडौं, ललितपुर र नेपालगञ्‍जमा सेवा दिँदै आएकाे छ ।