पोखरा ।
पोखरामा रहेका ४ इनरह्विल क्लबले संयुक्त रुपमा तीज विशेष कार्यक्रम गरेका छन् । इनरह्विल क्लब अफ अन्नपूर्ण, इनरह्विल क्लब अफ पोखरा, इनरह्विल क्लब अफ न्युरोड पोखरा र इनरह्विल क्लब अफ अन्नपूर्ण जुबिनाईल जिलले बिहीबार तिज विशेष गरेका हुन् ।

क्लबबीच आपसी सद्भाव र मित्रता कायम गर्न कार्यक्रम गरिएको हो । कार्यक्रममा उत्कृष्ट भेषभूषामा वसुन्धरा बास्तोला र उत्कृष्ट नृत्यमा रञ्जना मानन्धर पुरस्कृत भए । इनरह्विल क्लब अफ अन्नपूर्णका अध्यक्ष सन्ध्या कुँवरको अध्यक्षतामा भएको कार्यक्रममा इनरह्विल डिस्ट्रिक ३५० का डिस्ट्रिक पास्ट चियरमेन सर्सिज पालिखे, डिस्ट्रिक ३५० का डिस्ट्रिक एक्जुकेटिभ मेम्बर निर्मला मल्ल जोशी र इनरह्विल क्लब अफ न्युरोड पोखराका अध्यक्ष नारायणी बास्तोलाले धारणा राखेका थिए ।