काठमाडौं ।

माछापुच्छ्रे बैंकले ‘नेपाल नाई संघ’लाई क्युआर कोड हस्तान्तरण गरेको छ । डिजिटल बैंकिङमा आक्रमक बन्दै देशका हरेक स्थानमा सरल र सहज सेवा विस्तार गर्ने क्रममा बैंकले ‘नेपाल नाई संघ’लाई क्युआर कोड हस्तान्तरण गरेको हो ।

देशका विभिन्न स्थानमा रहेका ३ लाखभन्दा बढी सैलुन व्यवसायीलाई हित गर्ने उद्देश्यले बैंकले ‘नेपाल नाई संघ’लाई क्युआर हस्तान्तरण गरेको हो । राजधानीमा आयोजित कार्यक्रममा ‘नेपाल नाई संघ’का अध्यक्ष राजाराम ठाकुरलाई बैंकका प्रमुख डिजिटल बैकिङ अधिकारी माधव सुवेदीले क्युआर हस्तान्तरण गरे ।

क्युआर हस्तान्तरण पछि ग्राहकले ‘नेपाल नाई संघ’मा आबद्ध सैलुन व्यवसायीबाट विभिन्न सेवा लिएवापत लाग्ने शुल्क आफ्नो मोबाइल बैंकिङ एपमार्फत क्युआर स्क्यान गरी भुक्तानी गर्न सक्ने छन् ।