पोखरा ।
शिवटोल विकास संस्थाको १६ औं वार्षिक साधारण सभा तथा आठौं अधिवेशन अधिवेशनले ध्रुवकुमार श्रेष्ठको अध्यक्षतामा नयाँ समिति नर्वाचित गरेको छ । समितिमा कृष्णकाजी पाण्डे उपाध्यक्ष, प्रकाश रानामगर सचिव, पूर्णकुमार श्रेष्ठ कोषाध्यक्ष, वीरबहादुर ठकुरी सहसचिव र सम्झना घले सहकोषाध्यक्ष छन् ।

सदस्यमा माया विक, बुद्ध पुन, देवीकुमारी कुँवर, छविलाल गुरुङ, कुसकुमारी गुरुङ, अमृता गुरुङ, रामहरि न्यौपाने छन् । रेखबहादुर गुरुङ, पूर्णबहादुर गुरुङ, हिरालाल गुरुङ, भगवती क्षेत्री र विष्णुकुमारी गुरुङलाई सल्लाहकारमा मनोनित गरिएको छ ।

टोलका अध्यक्ष ध्रुवकुमार श्रेष्ठको अध्यक्षतामा भएको कार्यक्रममा पोखरा महानगरपालिका वडा नं. ९ का वडाध्यक्ष दीपेन्द्र मर्सानीले विकास, निर्माणमा टोल विकास संस्थाहरुको अहम् भूमिका हुने उल्लेख गरे । कार्यक्रममा पोखरा९ का निर्वाचित जनप्रतिनिधि र शिवटोलबासीका सदस्यका एसइई, कक्षा १२ र उच्च शिक्षा हासिल गरेका ३३ छोराछोरीलाई सम्मान गरिएको छ ।