लेखनाथ l
ङयोए तमु धीं लेखनाथ र संयुक्त गोर्खा भूपू सैनिक क्लबले शनिबार स्वाथ्य सिविर र सचेतना कार्यक्रम आयोजना गरेका छन् । रोग लाग्नुपर्व नै निरोगी बन्नका लागि सन्तुलित आहारविहारदेखि समय समयमा स्वास्थ्य परीक्षण गर्नुपर्ने कार्यक्रमका वक्ताहरुले बताए ।

पोखरा २९ का वडाध्यक्ष श्रीप्रसाद गुरुङले निरोगी वडावासीको अभियानलाई सार्थक रुप दिन वडाले काम गर्दैै आएको बताए । शिविरमा १ सय १६ जनालेसेवा लिएका छन् । वरिष्ठ हाडजोर्नी तथा नसारोग विशेषज्ञ डा. रविमोहन ढकालले स्वच्छ पोखरा, स्वस्थ पोखरेली बनाउने अभियानमा लाग्नुपर्नेमा जोड दिए ।

संस्थाका अध्यक्ष मेजर रामप्रसाद गुरुङको अध्यक्षतामा भएको कार्यक्रममा सचिव काशीमाया गुरुङले पनि बोलेकी थिइन् ।