पोखरा ।
पोखरा महानगरपालिका वडा नम्बर २ स्थित विन्ध्यवासिनी मन्दिर परिषद्को दानपेटिका चोरी गर्ने एक जनालाई कास्की प्रहरीले पक्राउ गरेको छ ।

भदौ ३ गते मन्दिरको दानपेटीका चोरी गरि फरार पोखरा २५ हेम्जा स्थित भोटे क्याम्प बस्ने ३०वर्षीय जिम्मिदोर्जेलाई प्रहरीले पक्राउ गरेको जिल्ला प्रहरी कार्यालय कास्कीका डिएसपी तथा प्रवक्ता सुन्दर तिवारीले बताए ।

‘दानपेटीका चोरी गरेर फरार हुन साथ हामीहरुले घटनामा संलग्नलाई खोजिकार्य गरिएको थियो । वडा प्रहरी कार्यालय बगरबाट खटिएको टोलीले सोमबार पक्राउ गर्न सफल भयो,’ डिएसपी तिवारीले भने । प्रहरीले उनको साथबाट दानपेटीका सहित पक्राउ गरेको तिवारीले बताए । कास्की जिल्ला अदालत ५ दिनको म्याद थप गरी अनुसन्धान भइरहेको प्रवक्ता तिवारीले बताए ।