पोखरा ।
पोखरा ६ बैदाममा अवस्थित ताल बाराही मन्दिरको गुठी व्यवस्थापन समितिको अध्यक्षमा हिकमतबहादुर कुवँर निर्वाचित भएका छन । सोमबार भएको मन्दिरको २६ औं साधारण सभा तथा १३ अधिबेशनले कुवँरलाई ११ औं पटकका लागि सर्वसम्मत अध्यक्ष चुनेको हो ।

समितिको महिला उपाध्यक्षमा जुना अधिकारी, पुरुष उपाध्यक्ष प्रशुराम शर्मा पहारी, सचिव धुव्र बराल, कोषाअध्यक्ष निर्मल खत्री र सहसचिव पुरुष महेश्वर पहारी र महिलामा मिना ढकाल चयन भएको निर्वाचन मण्डलका अध्यक्ष जगतबहादुर पहारीले जानकारी दिए ।

सदस्यमा क्षितिज पहारी, अनिल पहारी, ओमनाथ पहारी, कलावती सापकोटा, पार्वती बोगटी, लक्ष्मी खाती र धनविक्रम ढकाल छन् । जगतबहादुर पहारी, चूडामणि पहारी, हरिकृष्ण पहारी, प्राध्यापक चन्द्रनाथ अधिकारी र निर्मल पहारी सदस्य रहेको निर्वाचन मण्डलले निर्वाचित पदाधिकारीलाई सपथ गराएको छ ।

राष्ट्रिय गुठी व्यवस्थापन समितिको विधान अनुसार पोखरा महानगरपालिका वडा समितिको कार्यालय वडा नंं–६ र मालपोत कार्यालय कास्की पदेन सदस्य रहने गरी समाबेशी व्यवस्थापन समिति बनाइएको उपाध्यक्ष पर्शुराम शर्मा पहारीले बताए ।
कार्यक्रममा पोखरा ६ का कार्यवाहक अध्यक्ष वासु बरालले मन्दिर देवस्थल राष्ट्रका अमूल्य सम्पत्ति भएको बताउँदै यी सम्पत्तिको रेखदेख र मर्मत सम्भारमा राष्ट्रले उचित व्यवस्था गर्नुपर्ने बताए ।

अध्यक्ष कुवँरले गुठी व्यवस्थापन समिति, वडा कार्यालय, मालपोत कार्यालय कास्की, डुंगा व्यवसायी समिति, पुजारीसहित सारोकारवालाको भेला ग।प् गुठी संस्थान र पुरातत्व विभागको इन्जिनियरको संयुक्त सुपरिवेक्षणले मन्दिर ३ इन्च उत्तर ढल्केको देखिएको बताए । चाडै मन्दिर पुरातत्व बिभागले पुनर्निर्माण गर्ने उनले सुनाए ।

कार्यक्रममा उपाध्यक्ष पर्शुराम शर्मा पहारी, सचिव धुर्व बराल, सल्लाहकार चूडामणि पहारी र बुद्धिबहादुर नेपाली, पुजारी निर्मल पहारीले लगायतले बोलेका थिए । सभाले सचिव धुव्र बरालको प्रगति प्रतिवेदन र कोषाअध्यक्ष प्रेमराज पहारीको आर्थिक प्रतिवेदन सर्वसम्मत पारित गरेको छ ।