पोखरा ।
पोखराका पर्यटन सम्बद्ध संस्थाहरुको छाता संगठन पोखरा पर्यटन परिषद्को १२ औं अधिवेशन बिहीबार हुँदै छ । बिहीबार हुने अधिवेशनमा अध्यक्ष पदमा २ जनाको उम्मेदवारी परेको छ । अहिलेका महासचिव रामचन्द्र शर्मा र उपाध्यक्ष पोमनारायण श्रेष्ठको अध्यक्षमा उम्मेदवारी परेको निर्वाचन समितिले जनाएको छ ।

६ सदस्य रहने परिषद्मा कृष्णप्रसाद काफ्ले, तारानाथ पहारी, कृष्ण भण्डारी, जीवनराज सापकोटा, बबरजंग गुरुङ र निमबहादुर मगर निर्विरोध भएका छन् । सदस्यका सबै निर्विरोध भए पनि बिहीबारमात्रै औपचारिक घोषणा हुनेछ । बिहीबार अध्यक्षमा निर्वाचन हुने तालिका तय छ ।