लेखनाथ ।
कास्की जिल्लाको रुपा गाउँपालिका वडा नं ७ को दाङसिमर्‍याङ थातथलो भई हाल पोखरा महानगरपालिकामा भित्र बिभिन्न ठाउँमा पेशा, व्यवसाय गरेर बसोबास गर्दै आएका भट्टराई कुल परिवारका सासू, बुहारी, जेठानी र देवरानीहरुको भेलाले भट्टराई महिला सञ्जाल गठन गरेको छ ।

कुल परिवारमा पर्ने बिभिन्न सामूहिक कार्यमा उपस्थित भई सुख दुखमा सहकार्य गर्ने उद्देश्यले संस्था बनाइएको हो । कार्यक्रममा उपस्थितले नेपाली महिलाको महान पर्व हरितालिका तीजको अवसरमा शुभकामना आदानप्रदानसमेत गरेका थिए ।

भेलाले नारायणी भट्टराई (रक्षा) को अध्यक्षतामा १७ सदस्यीय दाङसिमर्‍याङ भट्टराई महिला सञ्जाल गठन गरेको हो । उपाध्यक्षमा पार्वती भट्टराई, सचिव उर्वरा भट्टराई, सहसचिव सुनिता भट्टराई र कोषाध्यक्षमा सिन्धु भट्टराई छन् । सदस्यमा रत्ना, शर्मिला, शिव, बिन्दु, सुस्मा, सावित्रा, सुनिता, तारा, सकुन्तला, शिव, विष्णु र रीता भट्टराई छन् । सल्लाहकारमा विष्णुमाया भटराई र हरिमाया भट्टराई छन् ।