पोखरा ।
मनिपाल कालेज अफ मेडिकल साइन्सेज तथा शिक्षण अस्पातलको २८ वर्षे इतिहासमा पहिलो पटक महिला तीजमा औपचारिक कार्यक्रम गरेको छ । मनिपाल अस्पताल बतास अर्गानाइजेसन अन्तर्गतको बापौ होल्डिङ्सलेसम्हालेपछि यो कार्यक्रम भएको हो ।

यहाँ करिब ४ सय महिला कर्मचारी छन् । सो अवसरमा भएको नृत्य प्रतियोगितामा अस्पताल तथा कलेजका बिभिन्न बिभागबाट ७ समूह सहभागी थिए । सर्जिकल वार्डका मनशुभा गुरुङ र निशिका थापा विजेता रएमर्जेन्सी वार्डका अञ्जु नेपाली, मीना विक, शिला खत्री, सीमा लामा, अर्पणा राजबंशी र निकिता श्रेष्ठ उपविजेता बने ।

परम्परागत भेषभूषा प्रतियोगितामा प्राइभेट वार्डकी सेलिना मोक्तान विजेता र फार्मेसीकी सीता मगर उपविजेता बने । विजयी प्रतियोगीलाई मञ्जु गोख्लेले पुरस्कार वितरण गरिन् ।
कार्यक्रममा विष्णुमाया गुरुङ र सोनी ढेवाजुको समूहले स्वागत नृत्य प्रस्तुत गरेको थियो । कार्यक्रममा गंगा पोखरेल रसुनिता बरालले पनि बोलेका थिए ।