पोखरा ।
कास्की नेत्रहीन संघको २५ औं वार्षिक साधारण सभा र समदृष्टि बचत तथा ऋण सहकारीको ११ औं वार्षिक साधारण सभा तथा छैटौं अधिवशन शनिबार भएको छ । कार्यक्रममा जिसस कास्की प्रमुख लीलाधर पौडेलले कास्कीका अधिकांश विकास संरचना र भौतिक पूर्वाधार अपांगमत्री नभएको उल्लेख गरे । अपांगता भएकालाई हेर्ने दृष्टिकोणलाई परिवर्तन भएमात्रै सामाजिक रुपान्तरणको बिषय सार्थक हुने उनको भनाइ छ ।

कास्की नेत्रहीन संघ अध्यक्ष श्रीकान्त सापकोटाको अध्यक्षतामा भएको कार्यक्रममा राष्ट्रिय अपांग महासंघका केन्द्रीय उपाध्यक्ष खोमराज शर्मा, राष्ट्रिय अपांग महासंघ केन्द्रीय सदस्य रमेश पोख्रेल, नेत्रहीन संघ गण्डकी अध्यक्ष लक्ष्मण सुवेदी, समदृष्टि सहकारीका पूर्व अध्यक्ष शोभा पौडेल, सहकारीका अध्यक्ष शिशिर खनाल, अपांगमैत्री समाज कास्की अध्यक्ष सन्तबहादुर परियार, नेत्रहीन महिला संघ कास्की अध्यक्ष कमला शर्मा, पोखरा महानगरपालिकाका सामाजिक विकास अधिकृत राधा विक लगायतले बोलेका थिए ।