पोखरा ।
पोखरा महानगरपालिका–२५ हेम्जामा स्कुटर दुर्घटना हुँदा एकको मृत्यु एकजना घाइते भएको छन् । मंगलबार राति ८ बजे नौडाँडाबाट पोखरा आउँदै गरेको ग २२ प ५३७० नम्बरको स्कुटर अनियन्त्रित भई डिभाइडरमा ठोकिँदा तनहुँको व्यास नगरपालिकाका ५० वर्षीय बलबहादुर राईको मृत्यु भएको हो ।

स्कुटरको पछाडि सवार राईकी १५ वर्षिया छोरी सोनी राई घाइते भएकी छिन् । दुर्घटनामा घाईते भएका दुवैलाई उपचारको लागि फिस्टेल अस्पताल लगिएकोमा उपचारकै क्रममा बलबहादुरको मृत्यु भएको हो । घाइते सोनीको पोखरास्थित फिस्टेल अस्पतालमा उपचार भइरहेको प्रहरी कार्यालयले जानकारी दिएको छ ।