पोखरा ।
एड्भोकेसी फोरम नेपालले जिल्ला प्रहरी कार्यालय कास्कीलाई कानुनी पुस्तक हस्तान्तरण गरेको छ । प्रहरी कार्यालय परिसरमा सञ्चालनमा रहेको लाइब्रेरी क्याफेका लागि एड्भोकेसी फोरमले पुस्तक हस्तान्तरण गरेको हो ।

फोरमकी प्रदेश संयोजक कुञ्जनी प्यासीका अनुसार ऐन संग्रह, नियम संग्रह र संविधान र संहिताका कानुनी पुस्तक प्रदान गरिएको हो । प्रहरी कार्यालयका प्रमुख अजय केसीलाई पुस्तक हस्तान्तरण गर्दै फोरम अध्यक्ष तथा वरिष्ठ अधिवक्ता हरिप्रसाद सुवेदीले पुस्तकले संविधान र संहिताको ज्ञान दिन मद्दत पुयाउने बताए । त्यस्तै प्रमुख केसीले निरन्तर समन्वय गरेर अघि बढ्ने प्रतिबद्धता जाहेर गरे ।