पोखरा ।
पोखरा १० रामघाटस्थित बौद्ध अर्घौं सदनको ४५ औं वार्षिक साधारणभा शनिबार भएको छ । सभामा पोखरा १० का वडाध्यक्ष राजेश गुरुङले धर्मनिरपेक्ष मुलुकमा अझै पनि हिन्दूत्वको व्यवहार रहेको बतए । उनले अरु धर्मका संघ, संस्थाले राज्यको उचित साथ नपाएको उनले बताए ।

कार्यक्रममा तमु धिं नेपालका अध्यक्ष एवं बौद्ध अर्घौ सदनका सल्लाहकार हुमबहादुर गुरुङ,सल्लाहकार अध्यक्ष क्या. मनबहादुर गुरुङ, बौद्ध शिक्षा अध्ययन केन्द्रका प्रमुख खेन्पो सन्तोष गुरुङ, बयोवृद्ध लामा दानप्रसाद गुरुङ, सदनमा उपाध्यक्ष क्या.चन्द्रप्रसाद गुरुङ लगायतले बोलेका थिए ।

सभाले संस्थाका सचिव मोतिप्रसाद गुरुङले प्रस्तुत गरेको वार्षिक प्रतिवेदन र कोषाध्यक्ष बिलबहादुर गुरुङले प्रस्तुत गरेको आर्थिक प्रतिवेदन पारित गरेको छ । कार्यक्रम सदनका अध्यक्ष क्या. भुवनसिं गुरुङको अध्यक्षतामा भएको थियो ।