पोखरा ।
पोखरामा बागलुङेको छाता संस्था बागलुङ समाज पोखराले सोमबार शुभकामना आदानप्रदान गरेको छ । नेपालका ठूला चाडपर्व दसैं, तिहार, छठ, नेपाल संवत लगायतको सम्मुखमा समाजले कार्यक्रम गरी सदस्यबीच शुभकामना आदानप्रदान गरेको हो ।

वक्ताहरुले आत्मीयता अभिवृद्धिसँगै अपनत्व बोधका लागि यस खालका कार्यक्रमको विशेष महत्व हुने बताए । कानुनी सल्लाहकार दुर्गेश पन्तले समाजलाई गतिशील बनाउन निरन्तर विभिन्न खालका सामाजिक कार्यक्रम गर्नुपर्नेमा जोड दिए ।

समाजका अध्यक्ष डिल्ली शर्माको अध्यक्षतामा भएको कार्यक्रममा पूर्व अध्यक्षहरु सुनिल पाण्डे, कुलचन्द्र शर्मा, प्राडा रवीन्द्र श्रेष्ठ, भीमबहादुर श्रीष, सचिव नरेश सुवेदी लगायतले बोलेका थिए ।