पोखरा ।
पोखरा ३३ भरतपोखरीको बर मुल थलो भएका बरेली पौडेलको कुलपूजा २२ मंसिर धान्य पूर्णिमाका दिन हुने भएको छ । कुलपूजा लगायतमा छलफल गर्न सोमबार बरमाझथरको सिलिंगेमा आयोजित भेलामा कुलपूजालाई प्रभावकारी रुपमा सम्पन्न गर्ने लगायतका विभिन्न विषयमा छलफल गरी निर्णय गरिएको बरेली पौडेल बंशावली तथा कुलपूजा व्यवस्थापन समिति अध्यक्ष राजुप्रसाद पौडेलले जानकारी दिए ।

कुलपूजाको सूचना तथा प्रचारप्रसारका लागि वासुदेव पौडेलको संयोजकत्वमा डण्डपाणि पौडेल र दामोदर पाध्या पौडेल सदस्य रहेको प्रचारप्रसार उपसमिति गठन गरिएको छ । बैठकले बरेली पौडेल बंशावली तथा कुलपूजा व्यवस्थापन समितिको नाम संशोधन गरी बरेली पौडेल बंश तथा कुलपूजा व्यवस्थापन समिति राख्ने निर्णय गरेको छ ।

अध्यक्ष राजुप्रसाद पौडेलको अध्यक्षता एवं सचिव कमलप्रसाद पौडेलले सञ्चालनमा भएको कार्यक्रममा कोषाध्यक्ष शान्ति पाध्या, सल्लाहकारहरू सोमनाथ पौडेल, चर्तुभुज शर्मा पौडेल, तिलकराम पौडेल, गुरुप्रसाद पौडेल, शंकरप्रसाद पौडेल, रामनाथ पौडेल लगायतले बोलेका थिए । भेलामा आगामी दिनमा कुल मन्दिरको दीर्घकालीन व्यवस्थापन लगायतका विषयमा समेत छलफल गरेको छ ।