पोखरा ।
रामबजार भीमसेनटोल विकास समितिका सचिव राजु राईले कालिका मावि कक्षा ११ अध्यनरत संगीता लामालाई आर्थिक सहयोग गरेका छन् । लामालाई शैक्षिक सामाग्री खरीद गर्न राईले १० हजार सहयोग गरेका हुन् ।

आर्थिक अवस्था कमजोर भएको र बाल्यकालमै बुवा गुमाएकी लामाकी आमाको पनि शारिरीक अपांगता छिन् । राईले पोखरा १७ टुटुङगा निवासी किड्नीमा समस्या भएका बुद्धि गुरुङ र फुलबारी ११ मा बस्ने साबित्री भुजेललाई जनहि ५/५ हजार नगद सहयोग समेत गरे ।

समाजमा आर्थिक अभावले पढ्न बाट बन्चित तथा स्वास्थ्य उपचार गर्न नसक्नेलाई आफुले विगत देखीनै सहयोग गर्दै आएको राईले बताए । ‘कोहि पनि मानिस पैसाकै अभावले अकालमा ज्यान गुमाउनु नपरोस्, धर्म कमाउन कुनै मन्दिर धाउनु नपर्ने जिउँदो आत्मानै जिउँदो भगवान हुन्,’ उनले भने ।

कार्यक्रममा विद्यालयका सहप्रअ बासुदेब अधिकारी, समाजसेवि गणेशलाल प्रधानको उपस्थिति थियो ।