पोखरा ।
एमाले कास्की जिल्ला अध्यक्ष मनबहादुर गुरुङले मनोनयन दर्ता गरेका छन् । उनले प्रतिनिधिसभा सदस्यका लागि कास्की क्षेत्रनम्बर १ बाट उम्मेदवारी दर्ता गरेका हुन् ।

गुरुङको प्रस्तावकमा वैनबहादुर अधिकारी क्षेत्री र समर्थकमा दिलिप न्यौपाने छन् । उनीसँग नेकपा एमालेका नेता खगराज अधिकारीले कास्की क्षेत्र नम्बर १ ‘क’ बाट उम्मेदवारी दर्ता गराइसकेका छन् ।

अधिकारीको प्रस्तावकमा टिकाराम पंगेनी छन् भने समर्थकमा कालिदास सुवेदी छन् । अधिकारी गण्डकी प्रदेश सभामा मुख्यमन्त्रीको दाबेदारका रुपमा हेरिएका छन् । कास्की १ ‘ख’ का उम्मेदवार वेदबहादुर गुरुङ ‘श्याम’ ले समेत उम्मेदवारी दर्ता गराएका छन् । पदम पौडेलको प्रस्ताव र सूर्य बानियाँको समर्थनमा उनले उम्मेदवारी दर्ता गराएका हुन् ।