जोमसोम ।
१ प्रतिनिधि र २ प्रदेशसभा रहेको मुस्ताङमा नेकपा एमाले र राष्ट्रिय प्रजातन्त्र पार्टीबीच सहकार्य भएको छ । बुधबार एमालेलाई राप्रपाले चुनावमा सघाउने निर्णय गरेको हो ।

दुई पार्टीका नेताहरुले यस्तो सहमति गरेका हुन् । सहमतीपछि राष्ट्रिय प्रजातन्त्र पार्टी मुस्ताङले यसअघि प्रतिनिधि सभा र प्रदेशसभामा दिएको उम्मेदवारी फिर्ता लिएको राप्रपा मुस्ताङका अध्यक्ष गुञ्ज हिराचनले जानकारी दिए । एमालेलाई समर्थन गर्ने गरी राप्रपाबाट प्रतिनिधिसभामा उम्मेदवारी दिएका मानबहादुर विक र प्रदेश खबाट उम्मेदवारी दिएका जेम्स हिराचनले उम्मेदवारी फिर्ता लिएका छन् ।

मुस्ताङमा ५ दलका ११ जना र २ स्वतन्त्र गरी १३ जनाले उम्मेदवारी दिएका थिए । यहाँ प्रतिनिधि सभातर्फ उम्मेदवारी दिएका डा. सुरेन्द्र शेरचन र सुरज लालचनले पनि उम्मेदवारी फिर्ता लिएका छन् ।