पोखरा ।
डेंगु लागेर लमजुङको रेडियो भोटेओडारमा कार्यरत पत्रकार चाँदनी अधिकारको निधन भएको छ । उपचारको क्रममा नयाँ चितवन मेडिकल कलेजमा बुधबार अधिकारीको निधन भएको हो ।

सामान्य ज्वरो र बान्ताको समस्या देखिएपछि मंगलबार बेंसीसहरस्थित मोडल हस्पिटलमा भर्ना गरिएको थियो । समस्या बढ्दै गएपछि मंगलबार राती उपचारको लागि नयाँ चितवन मेडिकल कलेज भरतपुर रिफर गरिएको थियो ।

डेंगु संक्रमण रहेको र निरन्तर बान्ताका कारण निधन भएको प्रेस सेन्टरका केन्द्रीय उपाध्यक्ष त्रिभुवन पौडेलले बताए ।