लेखनाथ ।
लेखनाथ उद्योग वाणिज्य संघले अगाडी सारेको आफनो क्षेत्राधिकार भित्र उज्यालो बजार अभियान अन्तरगत अर्घौ बजार व्यवस्थापन समितिलाई सहयोग गरेको छ ।

बजार क्षेत्रमा वढ्दो चोरी,डकैती र अन्य शडक जन्य दुर्घटनालाई न्यूनिकरण गर्ने उदेस्यले हरेक चोक चोकमा शडकबत्ति राख्ने योजना मुताविक अर्घौ बजार व्यवस्थापन समितिलाई चालिस हजार सहयोग गरेको हो ।

बजार व्यवस्थापन मा सहजिकरण गर्दै समग्र व्यवसाय प्रवद्र्धनमा सहयोग पुग्ने गरि अगाडी सारिएको योजनालाई अन्य बजार क्षेत्रमा पनि पुर्‍याउने गरि पहिलो चरणमा उत्त रकम सहयोग गरिएको हो ।

अर्घौ बजार व्यवस्थापन समितिका अध्यक्ष टिकाराम सापकोटाको अध्यक्षतामा भएको कार्यक्रममा लेखनाथ उद्योग वाणिज्य संघका अध्यक्ष छत्रधर आत्रेयले सहयोग रकम हस्तान्त्रण गरेका हुन् ।

कार्यक्रममा संघका प्रथम उपाध्यक्ष राजेन्द्र ओझा,महासचिव उपेन्द्रराज सुवेदी राजु र बजार व्यवस्थापन समितिका पुर्व सचिव घनश्याम ढुगाना लगाएतले योजनालाई प्रभावकारी बनाउन समय समयमा मर्मत संभार र रेखदेखमा ध्यान दिनु पर्ने सुझाव राखेका थिए ।