पोखरा ।
पोखराको बुद्ध विशाल बजार व्यापारिक एसोसियसनले नेपालीहरुका चाडपर्व दसैं, तिहारलाई लक्ष्य गरी ल्याएको ‘दसैं तिहार उपहारै उपहारको बहार’ उपहार योजना अन्तर्गत अन्तिम पुरस्कार विजेता छनोट गरेको छ ।

पहिलो पुरस्कार डियो स्कुटर विजेता टिकट नम्बर ४३१२५ रहेको छ भने दोस्रो पुरस्कार स्मार्ट टिभी टिकट नम्बर ६१७८० र तेस्रो पुरस्कार स्मार्ट फोन टिकट नम्बरहरू ८२९७६, १९९१३ र ६०८१७ ले पाएका छन् ।

संस्थाका अध्यक्ष केशवबहादुर खत्रीले उपहार कार्यक्रममा प्रथम पुरस्कार स्कुटर, दोस्रो उपहार ४३ इन्चको स्मार्ट टेलिभिजन र तृतीय पुरस्कार स्मार्ट फोन १५ हजार बराबरका ३ जनालाई प्रदान गरिने बताए ।

उनले ग्राहकलाई व्यापारिक एसोसिएसन भित्रका कुनै पनि पसलबाट ५ सयको समान खरिद गर्दा एउटा उपहार कुपन र १५ सयभन्दा बढीको खरिद गर्दा २ वटा उपहार कुपन निशुल्क उपलब्ध गराइएको उल्लेख गरे ।

संस्थाका कोषाध्यक्ष तथा उपहार कार्यक्रमका संयोजक थमनसिंह गुरुङले उपहार कार्यक्रम साउन १ गतेदेखि ५ महिनासम्म सञ्चालन भएको बताए । बुद्ध विशाल बजारभित्र करिब २ सय सटरमा फेन्सी, कस्मेटिक, जुत्ता चप्पल, वित्तीय संस्था, रेस्टुरेन्ट, सारी तथा कुर्ता लगायतका पसल सञ्चालनमा छन् ।