पोखरा ।
सनातन धर्म सेवा समिति कास्कीले समाजसेवी मेजर दिलबहादुर गुरुङलाई यस वर्षको सनकमान श्रेष्ठ स्मृति पुरस्कारबाट सम्मान गर्ने भएको छ । । पुरस्कारको राशि नगद २० हजार १ रुपैयाँ र अभिनन्दन पत्र छ ।

वि.सं. १९९६ मा जन्मिएका गुरुङ हाल पोखरा ८ बगालेटोलमा बस्दछन् । तमु धिं नेपालका सल्लाहकार एवं संरक्षण गुरुङले कालाभैरव मन्दिर, राम्चेदेवी मन्दिर, पञ्चासेधाममा आर्थिक सहयोग गर्नुका साथै असल छिमेकी संघ (गोनेसा) का माध्यमबाट विद्यार्थीलाई उनले सहयोग गर्दै आएका छन् ।

यसअघि यो पुरस्कारद्वारा समाजसेवी प्रज्ञारत्न बज्राचार्य, अमृतप्रसाद शेरचन, हेमबहादुर प्रधान, लीलाभक्त आचार्य, नासु बिलबहादुर गुरुङ, पं. ताराप्रसाद उपाध्याय, हेरम्बप्रसाद कोइराला लगायत सम्मानित भइसकेका छन् ।