पोखरा ।
माछापुच्छ्रे क्यापिटल लिमिटेडको तेस्रो वार्षिक साधारण सभा शुक्रबार काठमाडौंमा भएको छ । सभाबाट सञ्चालक समितिको वार्षिक प्रतिवेदन, २०७८/७९ को लेखापरीक्षकको प्रतिवेदन सहितको वित्तीय विवरण, २०७९/८० का लागि लेखा परीक्षक नियुक्ति, स्वतन्त्र सञ्चालक नियुक्ति तथा नियमावलीमा गर्नुपर्ने आवश्यक संशोधन पारित भएका छन् ।

सञ्चालक समितिका अध्यक्ष विश्वम्भर न्यौपानेले हाल कम्पनीले मुख्यगरी धितोपत्र प्रत्याभूति सेवा, लगानी व्यवस्थापन सेवा, संस्थागत परामर्श सेवा, निक्षेप सदस्य सेवा लगायतका सेवा प्रवाह गर्दै आएको बताए ।

कम्पनीले आगामी वर्षमा निष्काशन तथा बिक्री प्रबन्धक, म्युचुअल फन्ड, विशिष्टकृत लगानी कोष लगायतका थप सेवासहित बजारमा आउने योजना उनले सुनाए । कार्यक्रममा माछापुच्छ्रे बैंक लिमिटेडका प्रमुख कार्यकारी अधिकृत सन्तोष कोइरालाले पनि बोलेका थिए ।