पाेखरा ।
५/३ गोर्खा राईफल (शिंगो) भारतीय भूपू सैनिक संगठन पोखरा कास्कीले आफ्नो पल्टनको ५२ औं शिंगो विजय दिवस समारोह विभिन्न कार्यक्रम गरि शनिबार मनाएको छ ।
कान्तिपुर पार्टी प्यालेस पोखरामा कर्नल डिबि गुरुङको प्रमुख आतिथ्यतामा सम्पन्न कार्यक्रमको कर्नल गुरुङले दिप प्रज्वलन गरि उद्घाटन गरेका थिए ।
पल्टनले १९७१ मा ईण्डो–पाक बिच भएको सिमा विवाद लडाईमा भारतिय सेना ५/३ गोर्खा राईफल (शिंगो) पल्टनमा कार्यरत गोर्खा सैनिकहरुले हाथीमाथा पहाडमा डिसेम्बर १७ तारिखका दिन बिजय हासिल गरि भारत देशमा संरक्षण गर्न सफल भएको थियो ।

सोही दिन देखि ५/३ गोर्खा राईफल (शिंगो) पल्टनमा सेवारत सैनिकहरु तथा सो पल्टनबाट अवकाश प्राप्त भूपू सैनिकहरुले पनि शिंगो दिवसको रुपमा भूपू संगठनको आयोजनामा गण्डकी प्रदेशका ५/३ गोर्खा राईफल (शिंगो) पल्टनका भूपू सैनिकहरु उपस्थित भै विभिन्न कार्यक्रम गरि मनाउदै आइरहेको छ ।

१९७१ डिसेम्बर १७ तारिखमा लडाईमा बिरगति प्राप्त सैनिकहरुको फोटोमा प्रमुख अतिथी भूपू कर्नल दुर्गाबहादुर गुरुङ र विशिष्ट अतिथी भूपू मेजर गमबहादुर गुरुङ र ५/३ गोर्खा राईफल (शिंगो) भूपू सैनिक संगठन पोखरा कास्कीका अध्यक्ष भूपू क्याप्टेन टंकबहादुर घलेले फुलमालाद्वारा सम्मान गरेका थिए ।

कार्यक्रममा ५/३ गोर्खा राईफल (शिंगो) भूपू सैनिक संगठन पोखरा कास्कीका उपाध्यक्ष भूपू सिएचएम खिमबहादुर गुरुङले शिंगो विजय दिवसको बारेमा प्रष्ट पारेका थिए ।
सोही अवसरमा शिंगो दिवसमा सहभागी बीर नारीहरु, आर्थिक सहयोगीहरुलाई सम्मान गरिएको थियो ।

कार्यक्रममा कलाकार तथा भूपू सैनिका परिवारहरुद्वारा साँस्कृतिक प्रतिभाहरुको पनि प्रदर्शनका साथै दिवा भोजनको समेत आयोजना गरिएको थियो । भूपू सैनिक तथा सैनिकका परिवारहरु गरि करिव ३ सय ५० जनाको उपस्थिति रहेको शिंगो दिवस कार्यक्रमको संगठनका अध्यक्ष भूपू क्याप्टेन टंकबहादुर घलेको अध्यक्षता, संगठनका उपाध्यक्ष सिएचएम खेमबहादुर गुरुङको स्वागत र संगठनका सचीव भूपू क्याप्टेन बुद्धि बहादुर थापा र सह सचीव सिएचएम जीवन कुमार गुरुङको सञ्चालनमा सम्पन्न भएको थियो भने कार्यक्रममा नयाँ सदस्यहरुलाई सदस्यताको प्रमाणपत्र हस्ताण्तरण गरिएको थियो ।