पोखरा ।
लेखनाथ पत्रकार मञ्चद्वारा स्थापित लेखनाथ पत्रकारिता पुरस्कार यस वर्ष पत्रकार सरिता तिमल्सिना पगेनीलाई प्रदान गरिने भएको छ ।

कविराज खनाल संयोजक, लेखनाथ उद्योग वाणिज्य संघका अध्यक्ष छत्रधर आत्रेय, पोखरा महानगरका प्रतिनिधि राममणि अधिकारी, पूर्व सम्मानित व्यक्तित्व वासुदेव पौडेल, भीमपाणि बराल, सल्लाहकार महेश्वर पाण्डे र मञ्चका सचिव विष्णुहरि पौडेल रहेको प्रतिभा छनोट समितिले बराललाई सिफारिस गरेको हो ।

नेपाल पत्रकार महासंघका केन्द्रीय सदस्य एवं कानुन विभाग प्रमुखसमेत रहेकी तिमल्सिना पोखरा पोस्ट डटकममा प्रधान सम्पादक छिन् । पत्रकारिताका माध्यमबाट लेखनाथ क्षेत्रको समृद्धि र विकासमा योगदान पु¥याएकोमा उनलाई सम्मान गर्ने निर्णय भएको हो ।

पुरस्कार राशि ११ हजार १ सय ११ रुपैयाँ छ । यो पुरस्कार यसअघि मेघराज आचार्य, रामप्रसाद तिमिल्सेना, वसन्तराज अधिकारी, वासुदेव पौडेल, परशुराम शर्मा र भीमपाणि बरालले पाइसकेका छन् ।