पोखरा ।
कास्की जिल्ला सुटिङ संघको अध्यक्षमा श्यामकृष्ण श्रेष्ठ निर्वाचित भएका छन् । कास्की जिल्ला सुटिङ संघको तेस्रो साधारण सभा तथा दोस्रो अधिवेशनबाट संघको अध्यक्षमा श्यामकृष्ण सर्वसम्मत भएका हुन् ।

प्रथम उपाध्यक्ष राजु श्रेष्ठ, द्वितीय उपाध्यक्ष रामनारायण श्रेष्ठ, सचिव सुकबहादुर गुरुङ र कोषाध्यक्षमा रामकुमार श्रेष्ठ निर्वाचित बने । सदस्यमा चिन्तामणि बास्तोला, विनोदप्रसाद श्रेष्ठ, विजय कार्की, प्रकाश बज्राचार्य, शरणकुमार छन्त्याल र गृष्मा उदास छन् ।

२ सदस्यपछि मनोनित गरिने निर्वाचन अधिकृत कास्की जिल्ला खेलकुद विकास समितिका कार्यालय प्रमुख डिबी नेपालीले जानकारी दिए । सभामा राष्ट्रिय खेलकुद परिषदका सदस्य राजेश गुरुङले सुटिङ संघ कास्कीको कार्यालयका लागि पोखरा रंगशालाभित्र ठाउँ उपलब्ध गराउने प्रतिवद्धता गरे ।

सुटिङ खेलका लागि पर्याप्त मात्रामा सामग्री नभएको बताउँदै उनले त्यसका लागि पनि आफूले पहल गर्ने बताए । संघका सल्लाहकार तीर्थलाल श्रेष्ठले सुटिङ संघ कास्कीले खेलकुद सामाग्रीको अभावका बाबजुद पनि काम गरिरहेको बताए ।