पोखरा ।
हेमजा सिंचाइ प्रणाली जल उपभोक्ता संघ पोखरा २५ हेमजाको २३ औं साधारण सभा शनिबार हेमजामा भएको छ । सभामा पोखरा महानगरपालिकाका प्रवक्ता तथा वडा न. २५ का वडा अध्यक्ष मोतीलाल तिमिल्सिनाले हेमजा सिंचाइ प्रणालीलाई सक्दो सहयोग गर्ने प्रतिबद्धता जनाए ।

कार्यक्रममा कार्यपालिका सदस्य तथा वडा न. २५ का सदस्य धनकुमारी पोखरेल तिमिल्सिना, जलस्रोत तथा सिंचाइ विकास डिभिजन कार्यालय कास्कीका अधिकृत मानबहादुर थापा र सल्लाहकार दानबहादुर थापा, उपाध्यक्ष पार्वती थापा र सचिव झंकनाथ तिमिल्सिनाले बोलेका थिए ।

कार्यक्रममा कोषाध्यक्ष झविलाल सापकोटाले आर्थिक प्रतिवेदन र सचिव झंकनाथ तिमिल्सिनाले प्रगति प्रतिवेदन प्रस्तुत गरेका थिए । कार्यक्रम संघका अध्यक्ष दुर्गाप्रसाद तिमिल्सिनाको अध्यक्षतामा भएको थियो ।