लेखनाथ ।
पोखरा महानगरपालिका वडा नं. २७ मा रहेको सहेलापाखो बडहरे वन उपभोक्ता समूहको २९ औं साधारणसभा तथा १५ औं अधिवेशनल सरिता सुवेदीको अध्यक्षतामा नयाँ कार्यसमिति चयन गरेको हो ।

समितिको उपाध्यक्षमा नारायण राईभाट, सचिव कविता घिमिरे र कोषाध्यक्षमा कृष्ण रिजाल छन् । यस्तै, सदस्यमा विनोद पाण्डे, बलबहादुर विक, लक्ष्मी नेपाली, पूजा लामिछाने, जमुना त्रिपाठी, विष्णु कोइराला, बुद्धिसागर अधिकारी, मनोज गुरुङ र प्रभा घिमिरे छन् ।

कार्यक्रममा लेखनाथ सबडिभिजन वन कार्यालयका प्रमुख रामबहादुर विकले राज्यले सम्पूर्ण अधिकार वन समूहलाई नै दिएकाले वनको उचित रुपमा संरक्षण गरी वन पैदावरको भरपुर उपभोग गर्नुपर्ने बताए ।

वन समिति अध्यक्ष अर्जुनबाबु पौडेलको अध्यक्षतामा भएको कार्यक्रममा वडा नं. २७ का महिला जनप्रतिनिधि बुद्धिमाया थापा मगर, भूपू अध्यक्ष गणेशराज धमला, बुद्धिसागर अधिकारी, बुद्धिकुमार श्रेष्ठ र गीता बस्ताकोटीलाई सम्मान गरिएको थियो ।