पोखरा ।
नेपाल पुस्तक तथा स्टेसनरी व्यवसायी महासंघ कास्कीको २९ औं साधारण सभा तथा ११ औं अधिवेशनबाट अध्यक्षमा कविन्द्र पोखरेल निर्वाचित भएका छन् । प्रथम उपाध्यक्षमा सुरेश ढुंगाना, द्वितीय उपाध्यक्ष ध्रुव पोखरेल, सचिव सञ्जय आचार्य, सहसचिव रामप्रसाद सुृवेदी र कोषाध्यक्षमा सूर्यमोहन आचार्य चुनिए ।

कार्यसमिति सदस्यमा दीपेन्द्र पोखरेल, सुजित गौतम, रमेश पौडेल, टीकाराम अधिकारी, प्रकाशप्रसाद पोखरेल, सुनील सुवेदी, विष्णुप्रसाद पौडेल, दीपक सुवेदी, सकुन्तला पौडेल, लालवीर चौधरी, भुवन अधिकारी र डिप्लव केसी छन् ।

सभामा गण्डकी प्रदेशका प्रमुख पृथ्वीमान गुरुङले मानव सभ्यता संस्कारको बुद्धिलाई निखार्दै लैजाने महत्वपूर्ण माध्यम पुस्तक रहेको बताए । पुस्तक सभ्य समाजको सुरुवातदेखि अन्त्यसम्म रहने ज्ञानको भण्डार भएको उनको भनाइ छ ।

महासंघ कास्की अध्यक्ष बैकुण्ठप्रसाद पौडेलले पुस्तक तथा स्टेसनरी व्यवसायलाई जोगाउदै कसरी अगाडी बढाउने भन्ने विषयमै विषद् छलफल आवश्यक भएको बताए । सभामा उत्कृष्ट ३ व्यवसायीलाई सम्मान गरियो । साथै यस वर्षबाट कास्कीमा क्रियाशील पत्रकारलाई सम्मान गर्न थालिएको छ ।

महासंघ कास्कीका पूर्व अध्यक्ष ऋषिराम शर्मा भण्डारी, व्यवसायी कमला सुवेदी र भोलानाथ अधिकारी सम्मनित भए । क्रियाशील पत्रकारको रुपमा राजु गिरी सम्मानित भएका छन् ।