पोखरा ।
हरिहर महिला बचत तथा ऋण सहकारीको शनिबार १७ औं साधारण सभा भएको छ । सहकारीका अध्यक्ष सरस्वति थापाको अध्यक्षतामा सभा भएको हो ।

भलाम आधारभुत विद्यालयका शाखा प्रबन्धक मीना खत्री, सहकारीका पूर्व अध्यक्ष मुना सुवेदी, भलाम डाङखोर सहकारीका अध्यक्ष कृष्णबहादुर खत्री, राष्ट्रिय प्रजातन्त्र पार्टीका रामजी खत्री, एमाले वडा कमिटि भलामका अध्यक्ष तिलाचन गौतम, सहकारीका संस्थापक गणेशबहादुर खत्री लगायतले शुभकामना मन्तव्य राखेका थिए ।

प्रमुख अतिथि गंगबहादुर खत्रीले सहकारीमा कम्प्युटर माध्यमबाट काम गर्दा सजिलो हुने बताएका थिए । सामाजिक विकास शाखाका प्रतिनिधि विष्णुमाया पौडेलले महिलालाई आत्मनिर्भर बनाउन महिला सशक्तिकरणका लागि वडासँग समन्वयन गर्ने बताइन् । सस्तो ब्याजदरमा ऋण उपलब्ध हुने वातावरण सृजना गर्ने उनले बताइन् ।

सहकारीका उपाध्यक्ष माया जिसीले स्वागत मन्तव्य राखेकी थिइन् । सचिव अमृता तिवारी तिमिल्सिना ले कार्यक्रम सञ्चालन गरेकी थिइन् ।

उनले सहकारीको वार्षिक प्रतिवेदन, संस्थाको आय व्यय प्रस्तुत गरेकी थिइन् साथै आगामी दिनमा महिला सहकारी तालिम सञ्चालन गरि बढी भन्दा बढी नाफा कमाउने बताइन् । आमन्त्रीत अतिथिलाई सल्लाह, सुझाव दिन पनि उनले आग्रह गरिन् ।

सहकारीका सन्चिता भण्डारीले सहकारी सम्बन्धि गीत गाएर मनोरञ्जन प्रदान गरेकी थिइन् ।