पाेखरा ।

गण्डकी प्रदेशसभाको बैठक १ बजे देखि सुरु भएको छ । शुक्रबार जारी प्रदेशसभा बैठकमा पुस २५ गते मुख्यमन्त्री नियुक्त भएका खगराज अधिकारीले संविधानको धारा १६८(४) अनुसार विश्वासको मत मागेका छन् ।

विश्वासको मत माग्दै मुख्यमन्त्री अधिकारीले भ्रष्टाचार शून्य प्रदेश बनाउने, सेवा प्रवाह जनतामैत्री बनाउनेतर्फ आफ्नो ध्यान जाने बताए । प्रदेशलाई स्थापित गर्न पहिलो कार्यकालमा संस्थापक सांसदले महत्त्वपूर्ण भूमिका खेलेको भन्दै उनले धन्यवाद दिए । उनले विगतको सरकारले गरेको सकारात्मक कामलाई निरन्तरता दिने प्रस्ताव सहित उनले मत मागेका छन् ।

एमालेका २२, माओवादीका ८, राप्रपाका २ र स्वतन्त्र सांसद दीपक मनाङेसहित ३३ जनाको समर्थनमा अधिकारी मुख्यमन्त्री नियुक्त भएका थिए । तर, मनाङेले विश्वासको मत भने अधिकारीलाई नदिने र प्रतिपक्षमा बस्ने बताएका छन् ।