पोखरा ।
पोखरा २२ पुम्दीभुम्दी स्थित पोखरा भ्यु प्वाइन्ट क्लबको सातौ वार्षिक साधारणसभा तथा छैटौ अधिवेशनले विश्वराज बास्तोलाको अध्यक्षतामा नयाँ कार्यसमिति चुनेको छ । उपाध्यक्ष खेमराज बास्तोला (राजु), सचिव अमित बराल, कोषाध्यक्ष असिम बास्तोला र सहसचिवमा रन्जना आचार्य बराल छन् ।

कार्यसमिति सदस्यमा दीपक बराल, अमित लामा, लक्ष्मी बास्तोला सुवेदी र इन्दु बास्तोला निर्वाचित भएका छन् । क्लबका सुन्दर बराल को अध्यक्षतामा भएको कार्यक्रममा सांसद दामोदर पौडेल बैरागी, प्रदेश सांसद प्रकाश बराल, सचिव कुशल बराल लगायतले बोलेका थिए ।

नवनिर्वाचित अध्यक्ष विश्वराज बास्तोलाले सबैसँग सहकार्य गरी क्लबलाई नमुना बनाउने प्रण गरे ।