पोखरा ।
पोखरा महानगरपालिका ७ रत्नचोकमा अवस्थित सबलाइम अंग्रेजी माध्यमिक विद्यालयको २७ औँ वार्षिकोत्सव भएको छ । विद्यालय ब्यवस्थापन समितिका अध्यक्ष एवम् विद्यालय निर्देशक त्रिभुवन पराजुलीको अध्यक्षतामा विविध कार्यक्रम गरी वार्षिकोत्सव मनाइएको हो ।

कार्यक्रममा शिक्षा विकास तथा समन्वय इकाई कार्यालय कास्कीका प्रमुखनारायण प्रसाद सुवेदीले हरेक विद्यार्थी कुनै न कुनै विद्यामा निपूर्ण हुने बताए । उनले विद्यालयलाई पढाइसँगै खेलकुद, संगीत, कलाका विषय पनि सञ्चालन गर्न आग्रह गरे ।

‘२१ औँ सताब्दीको विद्यार्थीलाई हरेक क्षेत्रमा मौकाहरु रहेको हुन्छ, जस अनुसार विद्यालयले पढाइको अलावा खेलकुद, संगीत, कला नृत्य जस्ता विषयको समेत कक्षा सञ्चालन गरी विद्यार्थीको रुचि र क्षमता अनुसार पठन पाठनलाई जोड दिनुपर्छ,’ सुवेदीले भने ।

वडाको अभिभावकको हैसियतले विद्यालयले गर्ने हरेक कार्यमा सहकार्य गर्न तयार रहेको पोखरा महानगरपालिका ७ का वडाध्यक्ष राममोहन आचार्यले बताए ।

‘विद्यालय र वडाले आयोजना गरेका हरेक कार्यमा समेत दुवै पक्ष हातेमालो गर्दै अगाडि बढ्ने कुरामा हामी प्रतिवद्ध छौं,’ वडाध्यक्ष आचार्यले भने । प्याब्सन, केन्द्रीय उपाध्यक्ष एवम् गण्डकी प्रदेश इन्चार्ज कृष्ण केसीले विद्यालयले छोटो समयमा नै गरेका प्रगतिको प्रशंसा गरे ।

राष्ट्रिय परीक्षा बोर्ड गण्डकी प्रदेश कार्यालयका निर्देशक लक्ष्मण देवकोटाले आफू स विद्यालयसँग स्थापनाकालदेखि निकट रहेको बताए ।

कार्यक्रममा राष्ट्रिय लोक दोहोरी गायक रामजी खाँडको प्रस्तुति रहेको थियो । प्रधानाध्यापक पुष्पराज पराजुलीले विद्यालयको प्रतिवेदन, आगामी कार्यक्रम र विगतमा विद्यालयले हासिल गरेका उपलब्धि प्रस्तुत गरे ।

सोही कार्यक्रममा विद्यालयको वार्षिक परीक्षा २०७८ मा ४ जिपिए प्राप्त गर्न सफल विद्यार्थीलाई सम्मान गरिएको थियो । कार्यक्रममा विद्यालयको मुखपत्र सबलाइम दर्पणसमेत विमोचन गरिएको थियो । कार्यक्रममा विद्यालयका नेपाली विभाग प्रमुख कमलापति शर्माले पनि बोलेका थिए ।