पोखरा ।
एसिया प्रशान्त क्षेत्रका ट्राभल संघ–संस्थाको छाता संंस्था ‘प्यासिफिक एसिया ट्राभल एसोसिएसन’ (पाटा) को वार्षिक सम्मेलन र मार्ट आउँदो जेठ १५ देखि असार १६ गते सम्म पोखरामा हुने भएको छ ।

पाटाले आफ्नो वेबसाइटमा पोखरामा हुने सम्मेलनको जानकारी सार्वजनिक गरेको छ । सम्मेलनमा भाग लिन आह्वान गर्दै उनले आवेदन पनि व्यवसायीहरुसँग मागेको छ । सम्मेलनमा क्रेता, बिक्रेता र प्रतिनिधिका रुपमा सहभागी हुन चाहनेले आवेदन गर्न सक्छन् । पाटाले वेबसाइटमा पोखराका बारेमा पनि जानकारी राखेको छ ।

फरकफरक ठाउँमा हुने पाटा सम्मेलन यस वर्ष पोखरामा हुन लागेको हो । नेपालमा यो सम्मेलन पहिलोपटक हुन लागेको हो ।
वार्षिक सम्मेलन नेपालमै पहिलोपटक हुन थालेको पाटाका अन्तर्राष्ट्रिय सदस्य तथा पर्यटन व्यवसायी टीकाराम सापकोटाले बताए । उनका अनुसार सम्मेलनमा विश्वभरका पर्यटनसम्बन्द्ध व्यवसायी, विज्ञ, संघसंस्था सहभागी हुन्छन् ।

पोखरामा हुने सम्मेलनमा पाटा कार्यसमिति, बोर्ड सदस्य, सल्लाहकार लगायत सहभागी हुनेछन् । सम्मेलनमा यस वर्षको विषय उदीयमान उद्यम, हवाई सुरक्षा र सञ्चालन, पर्यटन गन्तव्इ, समुदाय आधारित र ग्रामीण पर्यटन र जोखिम व्यवस्थापन र ग्राहक सेवा लगायत छ ।

उक्त समेलनमा ४ सय अन्तर्राष्ट्रिय पाहुना आउने सापकोटाले जानकारी दिए । सापकोटाले भने, ‘बजारीकरणमा यस्तो सम्मेलनको विशेष महत्व राख्छ ।’ पर्यटनसँग सम्बन्धित विज्ञसहित ट्राभल तथा टुर अपरेटर सहभागी हुनेछन् ।

सम्मेलनमा सामूहिक र भिन्दाभिन्दै छलफल हुनेछ । त्यसबाहेक विभिन्न सत्रमा विज्ञहरुले कार्यपत्र प्रस्तुत हुन्छ । संसारभरका टुर अपरेटर्सलाई पोखरामा भिœयाउने गतिलो माध्यम बनेको उनले बताए ।

सम्मेलनले पर्यटन क्षेत्रका लागि विशोष अर्थ राख्ने पर्यटनकर्मी बताउँछन् । पोखरा र आसपासका पर्यटकीय गन्तव्यबारे विश्वको पर्यटन बजारमा चिनाउने महत्वपूर्ण मौका पनि यो सम्मेलन हो ।