पोखरा ।
प्रोग्रेसिभ फाइनान्स लिमिटेडको शाखा कार्यालय पोखराको आयोजनामा सोमबार टुरिजम एन्ड होटल मेनेजमेस्ट कलेज पोखरा महानगरपालिका वडा नम्बर ८, सुन्दर मार्गमा कक्षा ११ र १२ को विद्यार्थीहरुलाई लक्ष्य गरी वित्तीय साक्षरता कार्यक्रम सञ्चालन भयो ।

कार्यक्रममा राष्ट्र बैंकका निर्देशक आर्या जोशीले फाइनान्सियल लिटरेसी एन्ड ग्लोबल मनी विक तथा यसको उद्देश्यका बारेमा प्रकाश पारिन् । फाइनान्सका शाखा प्रमुख टंक ढकालले वित्तीय साक्षरता तथा फाइनान्सका विभिन्न सेवाहरुका सम्बन्धमा जानकारी गराए ।

कलेजका ५५ जनाभन्दा बढी विद्यार्थी कार्यक्रमा सहभागी भएको फाइनान्सका सूचना अधिकारी प्रमोद भट्टराईले जनाए । कार्यक्रमको अध्यक्षता फाइनान्सको पोखरा शाखा प्रबन्धक टंकप्रसाद ढकालले गरेका थिए ।

कार्यक्रममा गुहेश्वरी मर्चेट बैंकिङ एन्ड फाइनान्स शाखा प्रबन्धक विज्ञान गौतम र कलेजका सहायक प्रध्यापक निश्चल ज्ञवाली पनि सहभागी थिए ।