पोखरा ।
प्रतिष्ठित व्यावसायिक समूह चौधरी ग्रुपको सिजी डिजिटल को २२ औं शाखा पोखरा खुलेको छ । समूहले आइतबार पोखरामा आफ्नै विद्युतीय सामग्रीको नयाँ मल्टिब्रान्ड सोरुमको २२ औ शाखा अर्चलबोट चोकमा सुरु गरेको हो ।

पोखरा २ का वडाध्यक्ष दिवसमान प्रधानांग तथा कम्पनीका वरिष्ठ प्रबन्धक वसन्त पालले संयुक्त रुपमा सो रुम उद्घाटन गरे ।

कार्यक्रममा वडाध्यक्ष प्रधानांगले पोखराको पुरानो क्षेत्रमा बजार विस्तारको चरण चलिरहेका बेलामा सिजी आउँदा व्यावसायिक फड्को देखिने जनाए । उनले सामाजिक उत्तरदायित्वका क्षेत्रमा समेत कम्पनीले सहयोगको हात बढाउने विश्वास व्यक्त गरे ।

कम्पनीका वरिष्ठ प्रबन्धक वसन्त पालले पोखराको स्थानीय बजारमा गुणस्तरीय समानहको सोरुमबाट ग्राहकलाई अन्तर्राष्ट्रिय स्तरको सेवा दिइने जनाए ।

यो सोरुममा विश्वका उत्कृष्ट ब्रान्डहरु एलजी, सिजी, टिसीएल, गोदरेज, सेन्सेई, मिडेआ, बेको, केन्ट, एलिका, पिजन, क्रम्पटन लगायतका विभिन्न घरायसी विद्युतीय सामग्री उपलब्ध छन् । एलइडी टिभी, वासिङ मेसिन, रेफ्रिजेरेटर, माइक्रो वेभ ओभन लगायतका सामान पनि यहाँ छन् ।

सिजीको नुडल्सतर्फ सेल्सलाई हेर्ने सुनीलकुमार सुवेदी तथा पोखरा शाखाका सोरुम म्यानेजर सुमन घिसिङले सोरुमबाट गुणस्तरीय सेवा र सामग्री दिइने बताए । सोरुम हप्ताको सातै दिन बिहान १० देखि बेलुका साढे ७ बजेसम्म खुला हुनेछ । सोरुम सुरुआतको अवसरमा विशेष छुट रहेको कम्पनीले जनाएको छ ।