पोखरा ।
पोखराको नदीपुरमा अवस्थित प्रतिभा माध्यमिक विद्यालयमा बिहीबार नेपाली समाचार प्रस्तुतिकरण प्रतियोगिता भएको छ ।

पढाइका सँगसंगै अतिरिक्त क्रियाकलापमा विद्यार्थीलाई अब्बल बनाउने उद्देश्यले प्रतियोगिता भएको हो ।

प्रतियोगितामा कक्षा ६ बाट प्राप्ति पौडेल, आयुश्री तिमिल्सिना, ज्योतिस्मा कार्की र आयुषा बास्तोला क्रमशः प्रथम, द्वितीय, तृतीय र सान्त्वना बने । कक्षा ७ बाट भूमिका सुवेदी, कुसुम श्रेष्ठ, वरदान जिसी र आयुस्मा पौडेल क्रमशः प्रथम, द्वितीय, तृतीय र सान्त्वना ठहरिए । कक्षा ८ बाट आदित्य आचार्य, सुप्रिया मानन्धर, प्रतिष्ठा खनाल, र ऋतु पौडेल क्रमशः प्रथम, द्वितीय, तृतीय र सान्त्वना भए ।

रेडियो तथा टेलिभिजनमा समाचार वाचकले झै नेपाली भाषामा कक्षा ६ देखि ८ कक्षासम्म अध्ययनरत ८९ विद्यार्थीले समाचार वाचन गरेका थिए ।

विद्यालयका अतिरिक्त क्रियाकलाप प्रमुख प्रकाश अधिकारीको संयोजकत्वमा भएको सो प्रतियोगितामा नेपाली विभाग प्रमुख विष्णुप्रसाद पौडेल र दुर्गादत्त सुवेदी निर्णायक थिए । कार्यक्रम सञ्चालन शिक्षका अमृता जिसीले गरेकी थिइन् ।